भैल‍ो खेल्ने भैलेनी (बालकविता)

vailo-kavita-2018 – रमेशचन्द्र घिमिरे
झिलिमिली साँझमा
पोहोरजस्तै ऐले नि
अाए हाम्रो अाँगनमा
भैल‍ो खेल्ने भैलेनी

भ‌ैलेनीको अासिकले
अामा मक्ख पर्नुभो
दुइटै हात जोडेर
नमस्कार गर्नुभो

यस्तै यस्तै रमाइलो
हुन्थ्यो पैले पैले नि
मादल बजाई भट्याउँथे
भैल‍ो खेल्ने भैलेनी

नाङ्लामाथि फिँजा´को
चामल पैसा लिएर
नाच्छन्, गाउँछन् भैलेनी
मीठो अासिक दिएर

भैलेनीलाई डाकेर
रोटी दिएँ मैले नि
रमाउँदै फर्किए
भैल‍ो खेल्ने भैलेनी ।
– भोर्लेटार, लमजुङ
२०७५/०७/१७


कुनै सुझाव वा टिप्पणी

Your email address will not be published. Required fields are marked *